குரு வணக்கம்
இயம்புவதும் ஆதார இறைவானீயே
இதுவொன்றே வழிகாட்டும்
குருவும்நீயே
நயம்படவே லயப்படுத்தும் நாதன்நீயே
நான்முகனும் திருமாலும் சிவனும்நீயே
வயநமசி வாயகுரு வாலைநீயே
வாயில்வரும் மந்திரங்க ளெல்லாம்நீயே
கயமுகனும் அறுமுகனும் காட்சிநீயே
கண்கண்ட தெய்வம்நீ யுண்மைநீயே
உண்மையென்ற பொருளறியா வுலகமாந்தர்
உண்மயமுந் தன்மயமும் உணரமாட்டார்
மண்மயமே யாவதல்லால் கதிவேறுண்டோ
மண்மயத்தை விண்மயத்தில் வைக்கவேண்டும்,
விண்மயமுங் கண்மயமும் ஒன்றேயானால்
வேதாந்த வெட்டவெளி நீரேயாகும்
கண்மயமே பொன்மயமே கண்ணேவாவா
கருத்தில்வளர் குருவேசற் குருவேவாவா.
No comments:
Post a Comment